{"id":8572,"date":"2019-03-26T10:50:38","date_gmt":"2019-03-26T09:50:38","guid":{"rendered":"https:\/\/www.sycitv.com\/?p=8572"},"modified":"2019-03-26T10:50:38","modified_gmt":"2019-03-26T09:50:38","slug":"applus-apuntala-o-seu-posicionamento-no-sector-aeronautico-coa-adquisicion-de-a2m-industrie","status":"publish","type":"post","link":"https:\/\/cita-cal.sycitv.com\/gl\/applus-apuntala-o-seu-posicionamento-no-sector-aeronautico-coa-adquisicion-de-a2m-industrie\/","title":{"rendered":"Applus+ apuntala o seu posicionamento no sector aeron\u00e1utico coa adquisici\u00f3n de A2M Industrie"},"content":{"rendered":"

O laboratorio de A2 M Industrie est\u00e1 situado preto de Lyon (Francia) e ten unha cifra de negocio pr\u00f3xima aos 3 mill\u00f3ns de euros e m\u00e1is de 25 empregados especializados. Disp\u00f3n das acreditaci\u00f3ns Nadcap e Cofrac, est\u00e1 habilitado para realizar ensaios para a industria nuclear e \u00e9 un dos poucos laboratorios reco\u00f1ecidos polo Grupo Safran en Europa.<\/p>\n

A2 M Industrie integrarase na divisi\u00f3n Applus+ Laboratories<\/a>, que en Galicia est\u00e1 representada nos laboratorios da sede central de Applus+ Norcontrol<\/a>, en Sada. O vicepresidente de Applus+ e responsable da divisi\u00f3n Laboratories, Jordi Brufau, destacou que \u201ca incorporaci\u00f3n de A2 M Industrie ampl\u00eda a nosa rede europea de laboratorios para a industria aeron\u00e1utica e reforza o noso posicionamento como provedor de servizos de alto valor engadido para os fabricantes de motores aeron\u00e1uticos e os seus provedores\u201d. Pola s\u00faa banda, o director de A2 M Industrie, Cyril Romagny, destacou a oportunidade que sup\u00f3n para este laboratorio a s\u00faa integraci\u00f3n no Grupo Applus+, o que abre \u201cunha gran oportunidade de desenvolvemento t\u00e9cnico, permitindo ampliar a gama de produtos e abrirse ao mercado europeo\u201d.<\/p>\n

Esta adquisici\u00f3n s\u00famase \u00e1 operaci\u00f3n realizada polo grupo Applus+ no sector aeroespacial. Tr\u00e1tase da empresa estadounidense Talon Test Laboratories<\/a>, especializada en ensaios non destrutivos. Fundada en 1999, esta compa\u00f1\u00eda \u00e9 un provedor de referencia no \u00e1mbito aeroespacial, con m\u00e1is de 50 empregados e unha cifra de negocio pr\u00f3xima aos 4,5 mill\u00f3ns de d\u00f3lares. Entre os seus clientes conta con compa\u00f1\u00edas de primeira li\u00f1a no sector como Carterpillar, Aerijet Rocketdyne, Alliance Aeroespace Engineering, Rolls- Royce, Bombardier Aerospace, Spacex ou Boeing. Esta \u00faltima compa\u00f1\u00eda est\u00e1 tam\u00e9n desenvolvendo un importante proxecto no Polo Aeroespacial de Rozas, en Lugo, o que pon de manifesto a nova oportunidade que se abre para desenvolver importantes sinerxias nun sector de gran potencial en Galicia.<\/p>\n

A comunidade galega \u00e9 actualmente un dos eixes estrat\u00e9xicos de expansi\u00f3n do Grupo Applus+, unha das compa\u00f1\u00edas l\u00edderes mundiais en inspecci\u00f3n, ensaios e certificaci\u00f3n. Cotiza nas bolsas de Madrid, Barcelona, Valencia e Bilbao, e emprega a m\u00e1is de 22.800 persoas. En Galicia xerou m\u00e1is de 1.000 postos de traballo, operando non s\u00f3 na divisi\u00f3n de Laboratories. Tam\u00e9n conta con sedes e oficinas integradas nas divisi\u00f3ns de Automotive e Energy & Industry. No \u00e1mbito de inspecci\u00f3n industrial o grupo ten unha gran presenza en obra p\u00fablica e privada a trav\u00e9s de Applus+ Norcontrol, con central en Sada. Outro dos sectores estrat\u00e9xicos \u00e9 o do autom\u00f3bil, tanto no \u00e1mbito de I+D+i como en inspecci\u00f3n.<\/p>\n

En innovaci\u00f3n destaca o Centro Tecnol\u00f3xico de Automoci\u00f3n de Galicia, que conta como socio tecnol\u00f3xico con Applus+ Idiada e ten a s\u00faa sede no Porri\u00f1o. En canto a inspecci\u00f3n t\u00e9cnica de veh\u00edculos, SyC- Applus+ xestiona toda a rede de estaci\u00f3ns na comunidade, composta por un total de 26 centros fixos e 10 m\u00f3biles. Ademais, a trav\u00e9s dun proxecto de investigaci\u00f3n en colaboraci\u00f3n coa Universidade da Coru\u00f1a desenvolveu un innovador modelo de estaci\u00f3n, baseado na arquitectura modular e a automatizaci\u00f3n de procesos, que se converteu nun modelo para o seu desenvolvemento noutros mercados.<\/p>\n","protected":false},"excerpt":{"rendered":"